Бројот на убиени Палестинци во нападите на Израел врз Газа се зголеми на 69.483

ИСТАНБУЛ (АА) - Бројот на убиени Палестинци во нападите на израелската армија врз Појасот Газа, кои започнаа во октомври 2023 година, се зголеми на 69.483, известува Анадолу.

Министерството за здравство на Газа објави писмено соопштение во кое ги сподели најновите информации за Палестинците убиени во израелските напади.

Се истакнува дека телата на 15 лица се извлечени од урнатините во последните 72 часа. Двајца Палестинци се убиени, а тројца се повредени во последните напади на Израел.

Откако стапи на сила прекинот на огнот, 266 Палестинци ги загубија животите, 635 се повредени, а од урнатините се извлечени 548 тела.

Во соопштението се наведува дека бројот на убиени Палестинци во израелските напади од октомври 2023 година се зголемил на 69.483, додела бројот на повредени изнесува 170.706.

И покрај прекинот на огнот во Појасот Газа, израелската армија продолжува под разни изговори да спроведува чести напади врз Палестинците.