Бројот на загинати Палестинци во израелските напади во Газа од 7 октомври се зголеми на 25.295

ГАЗА (АА) - Најмалку 190 луѓе се убиени, а 340 се повредени во Појасот Газа во последните 24 часа, со што вкупниот број убиени Палестинци во израелските напади врз опколената енклава од 7 октомври се зголеми на 25.295, пренесува Анадолу.

Во соопштението на Министерството за здравство во Газа се вели дека 63.000 лица се повредени во израелските напади во тој период.

„Многу луѓе сè уште се заробени под урнатините бидејќи спасувачите не можат да стигнат до нив“, се додава во соопштението.

Израел го напаѓа Појасот Газа по прекуграничниот напад на Хамас на 7 октомври, во кој Тел Авив вели дека убиле речиси 1.200 луѓе.

Според ОН, околу 85 отсто од жителите на Газа се раселени поради израелскиот напад, а недостига храна за сите. Стотици илјади луѓе живеат без засолниште, а помалку од половина од камионите со хуманитарна помош влегуваат на територијата отколку пред почетокот на конфликтот.