Бразил: Маж со нож ја убил својата девојка, по што заминал во црква и пукал со револвер

РИО ДЕ ЖАНЕИРО

Полицијата го неутрализираше мажот кој со нож ја уби својата девојка во нејзиниот дом, по што заминал во црква, каде што со огнено оружје убил најмалку три лица, јавува Anadolu Agency (AA).

Властите соопштија дека лицето Рудсон Арагаун Гимараинш во подрачјето Паракату на бразилската сојузна држава Минас Жераис, прво со нож ја убило својата девојка, а подоцна заминало во црква, каде што пукајќи наоколу со огнено оружје, убило 3 лица.

Властите информираа дека воената полиција успеала да го неутрализира Гимараинш, додавајќи дека 39-годишниот напаѓач, кој е пренесен во болница, се наоѓа во тешка состојба.

За време на нападот, во црквата имало околу 20 лица.

Засега не се познати причините за нападот, но властите соопштија дека претходно, поради „проблеми со однесувањето“, Гимараинш бил исклучен од црквата.