Американски воен хеликоптер се урна на терен за голф во Мериленд

ЛИОНАРДТАУН (АА) - Најмалку едно лице загина, а двајца се повредени во хеликоптерската несреќа што се случи минатата ноќ, кога воен хеликоптер на САД се урна на терен за голф во сојузната држава Мериленд, САД, јавува Anadolu Agency (AA).

Командата на армијата на САД во Вашингтон соопшти дека хеликоптерот „УХ-60 Блекхок“ се урна за време на рутински лет, на терен за голф во Лионардтаун.

Во несреќата загина еден член на екипажот, а двајца беа повредени.

Повредените припадници на Армијата на САД се префрлени во болницата и според првичните информации, еден од нив е во животна опасност.

Истрагата за причината за несреќата е во тек.