Американската Војска продолжува да ги зајакнува воените бази во Сирија

ХАСЕКА/АНКАРА (АА) - МОХАМАД МИСТО -

Соединетите Американски Држави (САД) продолжуваат да ги зајакнуваат своите бази и воени пунктови во областите што се окупирани од ЈПГ/ПКК во североисточна Сирија, јавува Агенција Анадолија (АА).

Според информациите добиени од локални извори, американската Армија, која ја поддржува терористичката организација ЈПГ/ПКК во Сирија, вчера пратила нова воена пратка од 70 камиони преку граничниот премин „Ел-Валид“ на границата помеѓу Ирак и Сирија.

Во конвојот што се упати кон базите и воените точки на американските сили во сириските покраини Хасека, Рака и Деир ез-Зор, се наоѓаа 12 оклопни возила, камиони и голем број цистерни со гориво.

Американските сили, по пауза од два месеца, испратија најмалку 300 камиони во последните две недели преку Ирак.

Се дознава дека во пратката имало муниција и логистички материјали.

- САД се наоѓаат во нафтените полиња -

Со почетокот на турската операција операција „Извор на мирот“ во октомври 2019 година, Соединетите Американски Држави ги напуштија базите во оперативната зона и се стационираа околу нафтените полиња.

Американските сили, кои продолжуваат да ја поддржуваат терористичката организација ЈПГ/ПКК, во моментов активни се во 11 бази и воени точки во окупираните подрачја на Хасека, Рака и Деир ез-Зор во Сирија.

Вашингтон, исто така, испраќа и засилување од војници во воените бази и точките во нафтените полиња окупирани од страна на терористите на ЈПГ/ПКК.