Азербејџан: Ерменија се обидува да го интернационализира процесот на поставување граници

БАКУ (АА) - Претседателот на Азербејџан, Илхам Алијев, денес истакна дека Ерменија се обидува да го интернационализира процесот на поставување граници, пренесува Агенција Анадолија (АА).

Во телефонски разговор со неговиот казахстански колега Касим-Јомарт Токаев, Алијев рече дека апликацијата на Ерменија кон Организацијата за договор за колективна безбедност, воен сојуз предводен од Русија, не е ништо друго освен обид за интернационализација на прашањето.

Нагласувајќи дека не се случиле конфликти на границата, Алијев додаде дека ситуацијата е стабилна и преговорите се во тек.

Азербејџанската Армија се смести во одредени места во покраините Лачин и Калбаџар кои беа ослободени од ерменската окупација минатата година.

Ерменскиот премиер Никол Пашијан се обрати до Организацијата предводена од Русија тврдејќи дека некои региони каде што се наоѓа азербејџанската Армија ѝ припаѓаат на Ерменија.