ГРОДНО (АА) - Екипите на Агенција Анадолија (AA) се наоѓаат на границата меѓу Белорусија и Полска, во жариштето на мигрантската криза која трае веќе 10 дена.
На граничниот премин „Брузги“ во градот Гродно во Белорусија, и покрај временските услови со ниски температури, продолжува чекањето на мигрантите кои пристигнаа во Белорусија со виза од Ирак за да се обидат да преминат во Полска и да влезат во ЕУ.
Две илјади лица, вклучително и значителен број деца и жени, чекаат во шатори пред полската граница под тешки услови. Некои групи чекаат во кампот што го поставија во шумската област, а некои се наоѓаат во затворениот логистички центар подготвен од белоруската Влада.
Екипите на АА кои во регионот влегоа преку Белорусија стигнаа во кампот во кој се наоѓаат мигрантите, ги пренесуваат случувањата до своите претплатници и до целиот свет.
За групите кои чекаат покрај границата се зголемува и хуманитарната помош. Се дистрибуира помошта што се донира од граѓаните и хуманитарните организации. Се вршат напори за да се задоволат потребите од храна и затоплување на децата и жените.
Некои групи кои одвреме-навреме се обидуваат да ја преминат полската граница, се соочуваат со интервенција на полските безбедносни сили. Групите што ја минуваат границата, повторно се враќаат назад на белоруска територија.
