Австриското разузнавање сака да ги испитува ВатсАп и Телеграм од безбедносни причини

ВИЕНА (АА) - Австриското разузнавање сака да ги испитува апликациите за пораки, како што се „ВатсАп“ и „Телеграм“, повикувајќи се на безбедносни причини, пренесува Анадолу.

Шефот на австриската Единица за државна безбедност и разузнавање (ДСН), Омар Хајави-Пиркнер, во изјава за весникот „Дер стандард“ рече дека луѓето главно користат апликации за комуникација наместо телефонски повици и дека овие апликации треба да се испитуваат од безбедносни причини.

Хајави-Пиркнер рече дека криминалните организации и опасните групи комуницираат преку овие апликации и дека како разузнавачка единица немаат технички средства да ги контролираат овие апликации.

Според него, систем сличен на технологиите на овие апликации треба да биде во опсегот на разузнавачката единица за контролни цели.

Тој сугерираше дека можноста за напад од различни екстремистички групи кои користат неконтролирани апликации е многу голема.