Авганистан: Во напад на Талибанците животот го загубија 13 припадници на безбедносните сили

КАБУЛ

Талибанските милитанти изведоа напад врз полициската станица во авганистанската провинција Баглан во кој животот го загубија 13 припадници на безбедносните сили, јавува Агенција Анадолија (АА).

Фирузудин Аимак, заменик во Советот на Баглан, во изјавата за медиумите истакна дека милитантите извршиле оружен напад врз регионалната полициска станица во местото Везир Абад, во подрачјето на градот Пул-и-Хумри во провинцијата Баглан.

Аимак, информирајќи дека во нападот животот го загубија 13 припадници на безбедносните сили, а петмина се ранети, додаде дека во судирот што настанал по нападот, жртви имале и милитантите.

Талибанската страна засега не даде никаква изјава во врска со нападот.