ИСТАНБУЛ (АА) - Шефицата за надворешна политика на Европската Унија (ЕУ), Каја Калас, денес на Конференцијата за борба против манипулацијата и мешањето со странски информации предупреди дека демократиите се соочуваат не само со физички закани, туку и со „когнитивна војна“ насочена кон обликување на јавното мислење, јавува Анадолу.

„Јасно е дека безбедносната средина станува сè поинтензивна насекаде и не се само битките што ги гледаме на терен.“

„Ја имаме и когнитивната војна, војната за срцата и умовите на луѓето. На едната страна, таа се води со лаги, со лажни наративи, што навистина ги поткопува нашите демократии“, изјави Калас.

Таа ја нагласи потребата од активно спротивставување на когнитивната војна.

„Мора да имаме на ум дека тоа може да нè направи послаби ако нашите противници знаат (со што располагаме) бидејќи тогаш тие може да се подготват поинаку да им пристапат на овие прашања. Затоа, мора постојано да се приспособуваме и да го менуваме нашиот тек“, објасни таа.

Калас посочи дека досега блокот главно дејствувал реактивно.

„Тие напаѓаат, а ние се обидуваме да избегнеме и да се извлечеме. Треба да користиме и повеќе офанзивни мерки“, заклучи таа.