АНКАРА/ИСТАНБУЛ (АА) - Турските безбедносни сили приведоа осомничен терорист на ДЕАШ што наводно подготвувал напад за Нова година, соопштија безбедносните сили, јавува Анадолу.

Националната разузнавачка организација на Турција (МИТ), во соработка со полицијата, го приведе осомничениот - идентификуван како Ибрахим Буртакучин - во источната област Малатија.

Разузнавачките наоди покажаа дека Буртакучин дејствувал во Турција во име на терористичката група ДЕАШ и се обидувал да патува во конфликтни зони за да ѝ се придружи на групата кога е можно.

Се верува дека бил во контакт со повеќе симпатизери на ДЕАШ во Турција и во странство.

За време на операцијата беа запленети дигитални материјали и забранети публикации поврзани со осомничениот и милитантната група.