„Трамп Тауер” на Гугл Мапс накратко сменета во „Дамп Тауер”

ЊУЈОРК (АА) - Една од кулите на американскиот претседател Доналд Трамп на Менхетен во Њујорк, беше преименувана на дигиталниот пребарувач Гугл Мапс, пренесува Anadolu Agency (AA).

Наместо „ Трамп Тауер” (Кулата на Трамп), високата зграда е преименувана накратко во „Дамп Тауер” (Кула ѓубриште).

Корисниците на Гугл Мапс, промената на називот на кулата ja забележаа денес, а набрзо се прошири на социјалните мрежи. Од Гугл подоцна потврдија дека називот на кулата е вратен во првобитниот.

Кулата со 58 ката е сместена на Петата авенија и служи како резиденција на новоизбраниот американски претседател Трамп.