„Нетанјаху го избегнува договорот за прекин на огнот за да го продолжи геноцидот во Газа“

ГАЗА (АА) - Членот на Политичкото биро на Хамас, Изат ал Ришек, изјави дека израелскиот премиер Бенјамин Нетанјаху го избегнува договорот за прекин на огнот за да го продолжи геноцидот во Газа, јавува Анадолу.

Ал Ришек објави соопштение во врска со изјавата на Нетанјаху дека Израел е „подготвен за делумен договор“ во Газа.

Ал Ришек рече дека „изјавата на Нетанјаху за делумниот договор и продолжувањето на нападот покажува дека тој ги лаже семејствата на затворениците и дека не се грижи за животите на децата“.

„Вистинскиот став на Нетанјаху е дека тој не сака да постигне договор, да избегне прекин на огнот за да добие време и да продолжи со геноцидот“, рече Ал Ришек.

Тој ја повика американската администрација да престане да го поддржува Нетанјаху и да изврши притисок врз него да ја прекине војната во Појасот Газа.

Според локалните здравствени власти, повеќе од 37.600 Палестинци се убиени во Појасот Газа, повеќето жени и деца, а околу 86.100 се ранети.​​​​​​​

Израел е обвинет за геноцид пред Меѓународниот суд на правдата, чија последна одлука им нареди на израелските власти веднаш да ја прекинат воената операција во јужниот град Рафа.