свет

„Историјата ќе им суди на оние кои со поддршка на пучистот Хафтар предизвикуваат крвопролевање и солзи во Либија"

„Историјата сигурно ќе им суди на оние кои со поддршка на пучистот Хафтар предизвикуваат предизвикуваат крвопролевање и солзи во Либија", порача Ердоган по денешниот состанок со либискиот премиер Сараж

Mümin Altaş, Zafer Fatih Beyaz  | 04.06.2020 - Обновена : 05.06.2020
„Историјата ќе им суди на оние кои со поддршка на пучистот Хафтар предизвикуваат крвопролевање и солзи во Либија"

АНКАРА

Претседателот на Република Турција Реџеп Таип Ердоган порача дека Турција своите либиски браќа никогаш нема да ги препушти на милоста на пучистите, јавува Агенција Анадолија (АА).

Ердоган денес во Анкара се состана со премиерот на Либија Фајез Ал Сараж, а по состанокот рече дека меѓународно признаената Влада на национално единство на Либија презеде потребни мерки во борбата против пандемијата на Ковид-19, и покрај подмолните напади од страна на нелигитимните сили кои од истокот на Либија ги предводи водачот на пучистите Калифа Хафтар.

„Историјата сигурно ќе им суди на оние кои со поддршка на пучистот Хафтар предизвикуваат предизвикуваат крвопролевање и солзи во Либија. Човекот кој под постојана закана ја држи иднината на Либија, не може да има способност за претставување на преговачка маса на таа тема", порача Ердоган.

Ердоган, исто така, рече дека со либискиот премиер Сараж е согласен за неопходноста од дополнително унапредување на соработката која Турција ја има со Владата на национално единство во Либија.

„Целта ни е унапредување на соработката на Источниот Медитеран, вклучувајќи ги и потрагата и сондажните истражувања поради искористување на нашите природни богаства", рече Ердоган.

Коментирајќи го мировниот процес кој за Либија се води под покровителството на Обединетите нации (ОН) Ердоган рече дека Сараж и неговата влада секогаш заговарале позитивен пристап, и покрај воените злосторства и злосторствата против човечноста кои во Либија ги извршија Хафтар и неговите пучисти.

„Турција на сите меѓународни платформи ќе соработува со премиерот Сараж за да проблемот во Либија се реши на база на легитимитет. Повторно повокивуаме да се спречи криумчарското продавање на нафта од страна на Хафтар, кое му припаѓа на народот на Либија", порача Ердоган.

Истакнувајќи дека за Турција е приоритет воспоставување на мирот и стабилноста во Либија, Ердоган рече дека од почетокот на кризата тврди дека во Либија проблемот може да се реши исклучително под покровителство на Обединетите нации и политичкиот процес кој ќе го водат Либијците.

„Хафтар го нарекувам пучист и тоа не е без причина. Тој неодамна го отфрли постигнатиот политички договор во Либија и уште еднаш го покажа своето вистинско лице. Таа личност и оние кои воено и на други начини го поддржуваат се најголемата пречка за воспоставување мир во Либија", порача Ердоган.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.