ИСТАНБУЛ (АА) - Израелските армиски сили денес продолжија со упадите во руралниот округ Кунејтра во Јужна Сирија, што е најнова повреда на суверенитетот на земјата, објавија локалните медиуми, пренесува Анадолу.

Според државната телевизија Ал-Ихбарија, израелските сили напредувале во областа Расм ал-Равади и во близина на градот Самданија ал-Гарбија во руралниот округ Кунејтра, област што се наоѓа во зоната на раздвојување во окупираната Голанска Висорамнина.

Од израелската армија немаше веднаш коментар за овој извештај.

Во текот на август израелската армија изврши пет упади во Кунејтра во Југозападна Сирија, а последниот се случи рано изутрина вчера, при што едно лице е убиено.

По падот на режимот на Башар ал-Асад кон крајот на 2024 година Израел ја прошири својата окупација на сирискиот дел од Голанската Висорамнина, со заземање на демилитаризираната тампон-зона, потег со кој се прекрши Договорот за раздвојување со Сирија од 1974 година.