ЕРУСАЛИМ/ИСТАНБУЛ (АА) - Израелскиот премиер Бенјамин Нетанјаху на судот во Тел Авив денес изјави дека израелската Армија започнала интензивна операција во Појасот Газа, јави јавниот радиодифузер КАН, јавува Анадолу.

„Започнавме интензивна операција во Газа“, изјави Нетанјаху во судницата.

Изјавата се совпадна со насилниот израелски напад врз Газа, каде што Палестинците минаа ноќ на жестоки воздушни и артилериски напади.

Локалните извори објавија дека 35 лица биле убиени, а неколку други повредени или исчезнати во нападот врз домови и згради северозападно од градот.

Нетанјаху повторно се појави во Окружниот суд во Тел Авив утринава за да одговори на обвиненијата за корупција против него. Тој се соочува со обвиненија за поткуп, измама и кршење на довербата во три одделни случаи за корупција.

Во израелската војна во Газа се убиени речиси 65.000 Палестинци од октомври 2023 година. Енклавата е уништена и се соочува со глад.

Израел се соочува со случај за геноцид пред Меѓународниот суд за правдата поради војната на територијата.