Бугарскиот претседател Радев во официјална посета на Палестина

РАМАЛА (АА) - Бугарскиот претседател Румен Радев денес допатува во градот Рамала, административниот главен град на палестинската Влада на Западниот Брег, во официјална посета, јавува Anadolu Agency (AA).

По неговото пристигнување, Радев положи венец на гробот на починатиот палестински претседател Јасер Арафат.

Свечениот прием се одржа во претседателското седиште во Рамала, каде што Радев беше пречекан од палестинскиот претседател Махмуд Абас, премиерот Рами ал Хамдала и други високи палестински функционери.

Во претходна изјава, Меџди Халиди, советникот на Абас за дипломатски работи, истакна дека посетата на Радев „се совпаѓа со палестинските напори за изнаоѓање меѓународно покровителство за мировниот процес, бидејќи неговата земја (Бугарија) моментално претседава со ЕУ“.

Откако Соединетите Американски Држави (САД) го признаа Ерусалим (Кудс) како главен град на Израел минатиот декември, палестинското раководство го отфрли покровителството на САД за блискоисточниот мировен процес.