Поради магла откажан состанокот на Давутоглу, Вучиќ и Звиздиќ во Нови Пазар

САРАЕВО (АА)- Состанокот на претседателот на Владата на Србија Алекнсадар Вучиќ, премиерот на Турција Ахмет Давутоглу и претседавачот на Советот на министри на БиХ Денис Звиздиќ, кој требаше да се одржи денеска во Нови Пазар, откажан е поради маглата на белградскиот аеродром, потврдено е за Anadolu Agency од кабинетот на претседавачот на Советот на министри на БиХ.

Турскиот премиер Давутоглу, кој се наоѓа во дводневна посета на Србија и српскиот премиер Вучиќ, утринава поради магла не можеа да отпатуваат од Белград во Нови Пазар.

Како дознава АА, претседавачот на Советот на министри на БиХ, Денис Звиздиќ, кој веќе се наоѓа во Нови Пазар, ќе се состане со градоначалникот на тој град Мехо Махмутовиќ. На состанокот ќе присуствуаат и Расим Љајиќ, потпретседателот на српската Влада и министерот за трговија, туризам и телекомуникации.