Шефовите на дипломатија на Туркије и Египет разговараа за испораката на хуманитарна помош во Појасот Газа

ВАШИНГТОН (АА) - Министрите за надворешни работи на Република Туркије, Хакан Фидан, и неговиот египетски колега, Самех Шукри, вчера разговараа за актуелната ситуација во Појасот Газа, кој е изложен на жестоки израелски напади, известува Анадолу.

Неименуван дипломатски извор соопшти дека Фидан и Шукри во телефонскиот разговор размениле мислења за испраќањето и испораката на хуманитарна помош во блокираниот Појас Газа.

Двајцата шефови на дипломатија разговараа и за потенцијалните чекори за спроведување на одлуките донесени на Самитот на Организацијата за исламска соработка (ОИС) и Арапска лига, кој се одржа во саботата во Ријад, главниот град на Саудиска Арабија.