Murat Temizer
04 Февруари 2022•Ажурирај: 05 Февруари 2022
АНКАРА (АА) - Министерот за енергетика и природни ресурси на Турција, Фатих Донмез, за време на неговата денешна посета на Азербејџан во врска со 8. Министерски состанок на Советодавниот совет на Јужниот гасен коридор, ќе се сретне со членот на Комисијата за енергетика на Европската Унија (ЕУ), Кадри Симсон, министерот за енергетика на Азербејџан, Первиз Шахбазов и министерот за економија на Северна Македонија, Крешник Бектеши, јавува Агенција Анадолија (АА).
Според информациите до кои дојде дописникот на АА, министерот Донмез ќе се обрати на 8. состанок на Советодавниот одбор на Јужниот гасен коридор што се одржува во Баку, главниот град на Азербејџан. Свое обраќање на состанокот ќе има и министерот на Северна Македонија, Бектеши.
На состанокот ќе се разговара за случувањата во регионот.
По состанокот, турскиот министер Донмез ќе оствари билатерални средби со комесарот за енергетика на Европската комисија, Симсон, министерот Шахбазов и министерот Бектеши за зголемување на соработката во областа на енергетиката.
- Турција презема активна улога во Јужниот гасен коридор -
Во иницијативата „Јужен гасен коридор“, која беше иницирана во 2008 година со предлог на ЕУ, со цел да се зголеми снабдувањето со гас, разновидноста на рутите и енергетската безбедност, наоѓалиштето Шах Дениз во Азербејџан беше одредено како прво скалило од втората фаза за гас.
Во тие рамки беа имплементирани проектите за развој на втората фаза на полето Шах Дениз, проширување на гасоводот во Јужен Кавказ (SCPX), Проектот за Трансанадолскиот природен гасовод (TANAP) и Трансјадранскиот гасовод (TAP).
„Бритиш петрол“ (БП) е оператор со удел од 28,8 отсто во полето за природен гас Шах Дениз. TPAO има удел од 19 отсто, АзСД 10 отсто, НИКО 10 отсто и компанијата СГЦ, 6,7 отсто.
Во TАНАП, пак, компанијата „Јужен гасен коридор-СГЦ“ од Азербејџан има удел од 51 отсто, СОКАП Туркеј енерџи АШ има 7 отсто, БОТАШ има 30 отсто и БП „Пајплајнс“ (ТАНАП) Лимитед има 12 отсто акции.
