Burç Eruygur
31 Август 2023•Ажурирај: 01 Септември 2023
МОСКВА (АА) - Русија денес соопшти дека е подготвена да ги зголеми своите испораки на гас за Туркије и да ги имплементира договорите меѓу двете земји за воспоставување на центар за дистрибуција, известува Анадолу.
„Од наша страна, повторно ја потврдивме приврзеноста на Русија кон сите договори за зголемување на извозот на природен гас, вклучувајќи и спроведување на иницијативата на шефовите на нашите држави за создавање на единствен гасен центар во Туркије“, рече рускиот шеф на дипломатија Сергеј Лавров за време на конференцијата за новинари организирана заедно со неговиот турски колега, Хакан Фидан, во Москва.
Лавров во своето обраќање истакна:
„И покрај иницијативите на западните земји, кои предизвикуваат сомнежи, ние ја цениме надворешната политика на Туркије“.
Рускиот министер рече дека со Фидан разговарале и за предлогот на Москва на Туркије да ѝ се испорачува до милион тони руско жито по намалена цена.
„За ова прашање се разговара со учество на нашите пријатели од Катар, кои се подготвени да учествуваат во финансиските аспекти на ова иницијатива“, рече Лавров.
Шефот на руската дипломатија додаде дека со турскиот колега разговарале и за ситуацијата во Украина и ја објаснил невозможноста за спроведување на мировната формула предложена од страна на претседателот на Украина, Владимир Зеленски.
Формулата на Зеленски, која се состои од 10 предуслови, беше презентирана на последниот самит на Г-20 во Индонезија. Таа се фокусира и на прашањата како што се нуклеарна безбедност и безбедност на храната и енергијата.
