Туркије: Борачите намачкани со масло по 663-ти пат се борат за престижната титула

ЕДРЕНЕ (АА) - Во западната турска област Едрене започна 663. традиционално борење на пеливаните, борачи кои се борат намачкани со масло. Борбите во Киркпинар се најмасовното натпреварување од ваков вид во Туркије, а постојат и посебни ритуали по кои се разликуваат од борбите на други места, пишува Анадолу.

Натпреварите некогаш беа временски неограничени и траеја со часови, па дури и денови, додека еден од натпреварувачите не го фрли противникот на грб. Сега ситуацијата е поинаква, бидејќи борбите се временски ограничени, а најнеизвесните мечеви завршуваат со судиско бодување.

Башпеливаните, односно победниците на натпреварот во Киркпинар, се исклучително ценети во Туркије. Оној кој три пати по ред ќе ја освои титулата башпехливан станува постојан сопственик на златниот појас.

Борачите кои се борат намачкани со масло во Туркије се нарекуваат пеливани, што во превод од персиски јазик примарно значи личност која се одликува со исклучителна храброст и моторички способности.

Токму овој вид на борење беше инспирација и за пишување стручни трудови во Туркије, каде што борењето се смета за национален спорт.

Фестивалот на борење во Киркпинар е еден од најстарите спортски настани во светот. Се одржува секоја година во областа Едрене од 1362 година.