Операцијата „Извор на мирот“: Од терористите ослободено местото Сулук, источно од Еуфрат

ТЕЛ АБЈАД (AA) - Во рамките на операцијата „Извор на мирот“, од терористите на ЈПГ/ПКК ослободено е местото Сулук, југоисточно од сирискиот град Тел Абјад, на самата граница со Турција, јавува Anadolu Agency (AA).

Вооружените сили на Турција, на 9 октомври, заедно со Сириската национална војска започнаа воена операција „Извор на мирот“, на североистокот на Сирија, односно во пограничниот појас на источниот брег на Еуфрат кој е под окупација на терористичката организација ЈПГ/ПКК, а операцијата успешно продолжува.

Во акциите на Вооружените сили на Турција и Сириската национална војска ослободен е централниот дел од Сулук, помало место источно од Еуфрат и југоисточно од градот Тел Абјад, на самата граница со Турција.

Контролата над Сулук ја презеде Сириската национална војска, а во тек се активности за проверка и деминирање на теренот.