Övünç Kutlu
28 Ноември 2021•Ажурирај: 29 Ноември 2021
АНКАРА (АА) - Турската одбранбена компанија СТМ (STM) ќе ги изложи своите воени поморски платформи и тактички системи за мини беспилотни летала на саемот „Експодефенса 2021“, што ќе се одржи во Колумбија следната недела, јавува Агенција Анадолија (АА).
„Под лидерство на нашата матична институција, Претседателството на одбранбени индустрии (SSB), ќе учествуваме на „Експодефенса 2021“ за да го споделиме нашето искуство во проекти со кои сме горди што учествуваме како доверлив партнер на различни морнарици во светот, меѓу кои и на Пакистан и Украина“, истакна компанијата преку соопштение.
Оттаму се наведува дека на саемот во Јужна Америка ќе ја претстават фамилијата на своите тактички мини беспилотни летала, „Алпагу“, „Каргу“ и „Тоган“, а меѓу нив и корветата од Ада класа и фрегатата од прва класа од проектот МИЛГЕМ - првиот турски национален проект за воен брод.
На саемот ќе биде изложена и фрегатата CF3500 на компанијата, која ја дизајнираше со изглед на бродот од МИЛГЕМ за колумбиската морнарица.
„Системите кои продолжуваат успешно да се користат на терен од страна на турската морнарица донесени се во странство како квалитетни, прифатливи и модерни инженерски решенија“, се додава.
„Експодефенса 2021“, еден од најважните саеми од областа на одбранбената индустрија во Латинска Америка и на Карибите, ќе се одржи во главниот град на Богота од 29 ноември до 1 декември.
