Тесла годинава започнува со производство на роботакси и хуманоидни роботи

ИСТАНБУЛ (АА) – Милијардерот Илон Маск објави дека Тесла планира да лансира роботакси услуги во американската сојузна држава Калифорнија и други американски пазари подоцна годинава со самоуправувачки автомобили „без надзор“ достапни како платена услуга во Остин, Тексас, до јуни, објави магазинот „Форчн“, пренесува Анадолу.

Маск на веб-каст изрази уверување дека неговата компанија ќе забележи значителен раст во наредните години поради нејзиниот напредок во автономното возење.

„Во моментов, постои оваа перверзна ситуација каде луѓето всушност се префрлаат на мануелно возење за да ги проверат своите текстуални пораки за компјутерот да не им писка“, рече Маск.

Тој тврди дека некои возачи управуваат со своите колена за да читаат и-мејлови и пораки, што според него е „значително помалку безбедно“ отколку да им се овозможи да ги тргнат рацете од воланот.

Ова е првиот разговор на Маск со аналитичари по победата на претседателот Доналд Трамп на изборите во ноември, при што Маск беше главен сојузник.

Системот на Тесла за целосно автохтоно возење сè уште бара повремена интервенција на возачот, но брзо се унапредува, со цел да ја надмине безбедноста при човечкото возење.

Компанијата планира да започне со масовно производство во 2026 година на својот „Сајберкеб“ – автомобил без волан, специјално дизајниран за роботакси услуги. Тесла ја тестираше својата роботакси услуга со вработените во подрачјето на Калифорнискиот Залов во изминатата година, со безбедносни возачи подготвени да интервенираат доколку е потребно.

Маск очекува да започне со платежна услуга за превоз во Калифорнија и Тексас подоцна оваа година, во очекување на регулаторно одобрување. Тесла сè уште нема лиценца за комерцијални услуги за автономен превоз во сојузната држава Калифорнија.

Додатно, Маск го истакна развојот на хуманоидниот робот на Тесла, Оптимус, кој ќе започне да се произведува оваа година.

„Оптимус ќе може да свири клавир и да протнува конец низ игла“, рече Маск.

Тесла е исто така фокусирана на производство на електрични возила со подостапни цени, а нивното производство ќе започне во првата половина од годинава.

И покрај падот на нето приходите од 71 отсто на 2,3 милијарди долари во четвртиот квартал, приходите на Тесла се зголемија за 2 отсто на 25,7 милијарди долари.

Изгледите на Тесла, особено развојот на Оптимус, остануваат примарен фокус на инвеститорите.

Маск рече дека Тесла планира оваа година да произведе најмалку неколку илјади роботи Оптимус.