Во Кина пронајден фосил од желка, стар 150 милиони години

ПЕКИНГ (АА) - На југозападниот дел на Кина пронајден е фосил од желка, стар 150 милиони години, пренесува Anadolu Agency (AA).

Новинската агенција „Синхуа“ (Xinhua) објави дека фармерот Лиу Чангју од Чонгџинг, пронашол оклоп од желка за кој мислел дека е карпа.

Неговата ќерка фотографиите ги подели на социјалната мрежа WeChat. Фотографиите брзо се проширија на социјалните мрежи, а беа забележани и од палеонтолозите на локалниот геолошки парк, кои го повикаа Лиу за да извршат анализа на оклопот.

Со истражувањето е утврдено дека фосилот е стар 150 милиони години и одлучено е да биде изложен во музејот.