Шест награди за Anadolu Agency (AA) на 23-тиот меѓународен натпревар „Zoom“

АНКАРА (АА) - Anadolu Agency (AA) освои вкупно шест награди во областа на видеоснимки на 23-тиот меѓународен натпревар „Zoom“, организиран од Турското здружение на фотографи (THKD).

Покрај тоа, снимателите на АА беа наградени со плакета за креативни и квалитетни видео снимки направени во Турција.

Во рамките на овогодинешниот натпревар „Zoom“, жирито оцени 114 видеа направени во Турција и во други земји низ светот.

Наградени се видеоснимките од категориите „Вест на годината“, „Специјален прилог на годината“, „Репортажа на годината“, „Спортска вест на годината“ и „Слободни вести“.

Новинарот на АА Сарп Озер и снимателот Енгин Корлу, кои ги следеа случувањата во Сирија за време на операцијата „Маслинова гранка“, ја добија „Наградата за храброст“.