Selçuk Acar
26 Август 2017•Ажурирај: 26 Август 2017
ЊУЈОРК (АА) - Очекуваниот ураган во САД, „Harvey“ (Харви), пристигна на брегот на американската сојузна држава Тексас, додека претседателот на САД, Доналд Трамп, потпиша „известување за природна катастрофа“ со цел да се упати федерална помош во регионот против штетата која ќе ја нанесе ураганот, јавува Anadolu Agency (AA).
Ураганот „Harvey“ кој пристигна на копното на САД, ги зафати крејбрежните региони на сојузната држава Тексас.
За околу 55 часа, Националниот центар за урагани на САД ја покачи алармната состојба за „Harvey“, кој е окарактеризиран како насилната бура што ја има погодено државата во последните 12 години, од прва во четврта категорија.
Три часа по пристигнувањето на ураганот до крајбрежјето на Тексас, брзината не ветрот се намали од 210 на 200 километри на час, при што овој Центар го симна нивото на аларм од четврта во трета категорија.
Исто така, од овој Центар истакнаа дека површина од над 161 километри во внатрешните делови на земјата може да остане под вода како резултат на дождовите предизвикани од ураганот.
Во одредени области на Тексас е донесена одлука за задолжителна евакуација на десетици илјади лица.
Пристаништата Корпус Кристи, Хјустон и Галвестон се затворени поради ураганот, додека над 110.000 објекти се без електрична енергија.
- Нафтените рафинерии во ризик поради ураганот -
Според соопштеното, ураганот ќе ги погоди и регионите каде што се наоѓаат хемиските фабрики, како и нафтените рафинерии. Во случај ураганот да ги оштети нафтените рафинерии, или со деактивирање на нафтоводот Колонијал, негативно ќе се одрази врз испораката на нафта во другите региони од земјата.
Откако вчера ураганот се приближи до САД, цените на горивото се покачија на највисоко ниво во последните три недели.
- Трамп потпиша известување за природна катастрофа -
Претседателот на САД, Трамп, потпиша известување за природна катастрофа, со цел да се упати федерална помош во регионот против штетата која ќе ја нанесе ураганот.
Харви е првиот ураган од четврта категорија кој од 1961 година до денес го погодил Тексас, додека ураганот Катрина, кој нанесе најголема штета во САД, ја погоди земјата во 2005 година.
