Ekipa
10 Јули 2018•Ажурирај: 11 Јули 2018
АНКАРА (АА) - Заменик-претседателот на Турција, Фуат Октај, кој на оваа функција е назначен вчера од страна на турскиот претседател Реџеп Таип Ердоган, како и новите министри, денес положија заклетва во Големото народно собрание на Турција (ТБММ), јавува Anadolu Agency (AA).
Генералното собрание на ТБММ денес одржа седница на која привремениот претседател на турското Собрание, Дурмуш Јилмаз, упати честитки до заменик-претседателот Фуат Октај и до новите министри кои потоа ги повика на Генералното собрание.
Дурмуш, согласно Уставот, соопшти дека заврши пратеничкиот мандат на министерот за надворешни работи, Мевлут Чавушоглу, министерот за правда, Абдулхамит Ѓул, министерот за трезор и финансии, Берат Албајрак и на министерот за внатрешни работи, Сулејман Сојлу.
Потоа заменик-претседателот Фуат Октај положи заклетва, по кого следуваа следните министри: министерот за правда, Абдулхамит Ѓул; министерката за труд, социјални работи и семејство, Зехра Зумрут Селчук; министерот за животна средина и урбанизам, Мурат Курум; министерот за надворешни работи, Мевљут Чавушоглу; министерот за енергетика и природни ресурси, Фатих Донмез; министерот за млади и спорт, Мехмет Мухарем Касапоглу; министерот за трезор и финансии, Берат Албајрак; министерот за внатрешни работи, Сулејман Сојлу; министерот за култура и туризам, Мехмет Ерсој; министерот за национално образование, Зија Селчук; министерот за национална одбрана, Хулуси Акар; министерот за здравство, Фахретин Коџа; министерот за индустрија и технологија, Мустафа Варанк; министерот за земјоделство и шумарство, Бекир Пакдемирли; министерката за трговија, Рухсар Пекџан и министерот за транспорт и инфраструктура, Џахит Туран.
На церемонијата за положување заклетва, од партиските лидери присутен беше само претседателот на Партијата на национално единство (MHP), Девлет Бахчели.
