Barış Seçkin
23 Ноември 2017•Ажурирај: 23 Ноември 2017
РИМ (АА) - Министерот за надворешни работи на Турција, Мевлут Чавушоглу, оствари средба во Рим, со својот колега, италијанскиот министер за надворешни работи и меѓународна соработка, Анџелино Алфано, јавува Anadolu Agency (AA).
Со цел да учествува на 10. Италијанско-турски форум во Рим, министерот Чавушоглу пристигна во италијанската престолнина и се сретна со својот колега Алфано.
Во Рим, кој е домаќин на Италијанско-турскиот форум, средбата меѓу двајцата министри траеше околу половина час.
На средбата стана збор за турско-италијанските односи, односите ЕУ-Турција, развојот на настаните во Либија, Сирија, Либан и на Средниот Исток и за проблемот со бегалците, со кој се соочуваат и двете земји.
По средбата, двајцата министри присуствуваа на седницата на затворањето на 10. Италијанско-турски форум.
