САД ги негираше шпекулациите за повлекување од базите во Турција и Катар

ВАШИНГТОН (АА) - Централната Команда на американските вооружени сили (CENTKOM) ги негираше и за неосновани ги оцени тврдења за повлекување на воздушните сили на САД од турската база Инџирлик и од базата Ал Удеид во Катар, пренесува Anadolu Agency (AA).

„САД не ги напуштаат базите во Инџирлик и Ал Удеид. Сите шпекулации за тоа се неточни и неосновани“, се вели во соопштението кое ЦЕНТКОМ го објави на својот официјален профил на Твитер (Twitter).

Во истовреме, и Командата на американските воздухопловни сили (AFCENT) соопшти дека нема вистина во тврдењата за американско повлекување од базите во Турција и Катар.

„Овие тврдења се неточни и ѝ наштетуваат на меѓусебната доверба на сојузниците во време кога треба да работиме заедно на отстранување на заедничката загриженост во одност на безбедноста“, се вели во соопштението на АФЦЕНТ.

Некои американски медиуми со недели шпекулираат дека американските сили се повлекле од турската воздухопловна база Инџирлик и дека значително го намалиле нивното присуство во катарската база Ал Удеид.