„Погрешно би било да се прекинат преговорите со Турција за пристапување во ЕУ“

СОЛУН (АА) - Грчкиот премиер Алексис Ципрас изјави дека би било погрешно да се прекинат преговорите за членство помеѓу Турција и Европската Унија (ЕУ), јавува Anadolu Agency (AA).

Ципрас зборуваше на прес-конференција одржана во рамките на 82. Меѓународен саем во Солун (TIF).

Тој рече дека Турција има значајно влијание од аспект на стабилноста, регионалната безбедност и моќта.

„Би било погрешно да се прекинат преговорите за членство со Турција. Погрешно е да се затвори вратата“, смета Ципрас.

Тој се осврна и на зборовите на германската канцеларка Ангела Меркел дека „Турција не треба да биде членка на ЕУ“.

„Изјавите на Меркел и на другите официјални претставници на ЕУ може да бидат политички спорови. И да кажеме дека во Турција се потребни промени, ние ќе стоиме зад нашиот став“, рече Ципрас.