ИСТАНБУЛ (АА) - Претседавачот со Правниот одбор на Националната коалиција на сириските опозициски и одбранбени сили, Хејсе ал Малих, изјави дека животите на четири милиони луѓе во Идлиб се во опасност и дека луѓето се принудени да се иселат од Идлиб, јавува Anadolu Agency (AA).
Малих говореше на прес-конференција каде што се осврна на актуелната ситуација во сирискиот Идлиб.
„Сирискиот народ е принуден да се исели од Идлиб. Животите на четири милиони луѓе се во опасност од насилничката и злосторничка машинерија. Глобалните актери овој напад планираат да го изведат со користење хемиско оружје или на друг начин, а истовремено меѓународната заедница молчи и не презема никакви чекори“, рече Малих.
Тој ја повика меѓународната заедница да го преземе она што е потребно, односно како било да го спречи изведувањето на воената операција.
„Го повикуваме генералниот секретар на Обединетите нации (ОН) да го суспендира својот специјален пратеник за Сирија, Стефан де Мистура. Поради своите пристрасни ставови ја изгуби веродостојноста и довербата“, рече Малих.
