„Во Сирија, 98 отсто од хемиските напади ги изведе режимот“

МИНХЕН (АА) - Глобалниот институт за јавна политика со седиште во Берлин објави извештај под наслов „Нема место за криење: Логиката на употребата на хемиското оружје во Сирија“, јавува Anadolu Agency (AA).

Во извештајот подготвен со финансиска поддршка на германското Министерство за надворешни работи се истакнува дека бројот на хемиски напади извршени од страна на режимот на Асад е значително поголем од она што се знае.

- „ДЕАШ изврши 6 хемиски напади“

Според извештајот, од 2011 година наваму, во Сирија се изведени најмалку 336 хемиски напади, од кои 98 % се извршени од страна на режимот на Асад. Терористите на ДЕАШ извеле 6 напади со хемиско оружје.

Деведесет отсто од хемиските напади во Сирија се изведени во август 2013 година, кои во тој период предизвикаа силни реакции во светската јавност.

По хемискиот напад изведен на 21 август 2013 година, светската јавност упати силни критики кон режимот на Асад, кој користеше хемиско оружје против сопствениот народ.

Тогашниот претседател на САД, Барак Обама, нападот го окарактеризира како „црвена линија која не смее да се надмине“.