Фоторепортерите на АА добија четири награди на престижниот меѓународен натпревар за фотографија во Италија

РИМ (АА) - Фоторепортерите на Агенција Анадолу оваа година добија четири награди на натпреварот „Меѓународни награди за фотографија Сиена“, што се организира во Италија, јавува Анадолу.

Доделени се наградите за 2023 година на натпреварот „Меѓународни награди за фотографија Сиена“, кој е еден од престижните меѓународни натпревари за фотографија.

На светски познатиот натпревар, фоторепортерите на АА добија четири награди.

Фоторепортерот на АА, Волфганг Шван, со серијата фотографии со наслов „Украинска војна“, го освои првото место во категоријата „Вест-приказна“.

Шван со фотографијата насловена „Олена Курило: Лицето на украинската војна“ доби награда и во категоријата „Документарец и фоторепортерство“.

На истиот натпревар, фоторепортерот на АА, Емин Сансар, со фотографијата насловена „Украинската жена во центарот на војната“, и фоторепортерот Андреа Каруба со фотографијата насловена „Рускиот напад во железничката станица во Краматорск“ ја освоија наградата „Извонредно уметничко дело“ во категоријата „Документарец и Фоторепортерство“.