Фестивалот „Ла Мерс“ во Барселона, Шпанија

БАРСЕЛОНА (АА) - Луѓе облечени во костими танцуваат со огномет, тапани и факели низ Пасео де Грација за време на Фестивал „Ла Мерс“ во Барселона, Шпанија, известува Анадолу.

Традиционалниот каталонски настан „корефокс“ се одржа синоќа на улиците на Барселона, Шпанија за време на прославата на фестивалот „Ла Мерс“.

Корефокс е еден од највпечатливите карактеристики на фестивалот во Каталонија. Станува збор за поединци кои облечени како ѓаволи шетаат со запалени пиротехнички средства фиксирани на ѓаволска вила. Танцувајќи во ритамот на тапани, тие со запалени пиротехнички средства во рацете шетаат меѓу толпата гледачи. Гледачите кои сакаат да учествуваат во настанот се облекуваат за да се заштитат од мали изгореници во обидот да се приближат што е можно поблиску до „ѓаволите“, трчајќи покрај нив. Останатите го следат настанот од „безбедно“ растојание.

Овој традиционален каталонски настан датира уште од 12. век. Секој ден за време на фестивалот на улиците на Барселона се организираат паради, огномет, традиционални танцови и музички настани, а се формираат и „кули од луѓе“.