Murat Özgür Güvendik
28 Ноември 2021•Ажурирај: 29 Ноември 2021
ЈОХАНЕСБУРГ (АА) - „Туркиш ерлајнс“ спроведе летови за евакуација од Јужноафриканската Република поради новиот сој на коронавирусот Омикрон, откако Турција воведе ограничувања за патување во таа земја, јавува Агенција Анадолија (АА).
„41 патник беа евакуирани во летовите од двата најголеми града во Јужноафриканската Република, Кејптаун и Јоханесбург, до турската метропола Истанбул“, изјави за АА официјален претставник на авиокомпанијата кој сакаше да остане анонимен.
Патниците ќе поминат 14 дена во карантин независно од нивниот статус на вакцинација или неодамнешно прележување на вирусот. Негативен ПЦР-тест ќе биде потребен за завршување на изолацијата на местата определени од страна на локалната управа.
Турската амбасада во Преторија објави на Твитер дека летовите на „Туркиш ерлајнс“ ќе бидат последните од Јужноафриканската Република до Турција до понатамошно известување.
Турција во петокот најави дека ќе воведе ограничувања за патување од Јужноафриканската Република, Боцвана, Мозамбик, Намибија и Зимбабве, почнувајќи до 27 ноември поради сојот Омикрон.
