Турскиот министер за здравство, Коџа, ќе присуствува на брифингот за медиуми на СЗО

АНКАРА

На брифингот со медиумите, на кој Светската здравствена организација (СЗО) периодично ја информира јавноста, поканет е министерот за здравство на Турција, Фахретин Коџа, да го придружува Тедрос Аданом Гебреисус, генералниот директор на СЗО, јавува Агенција Анадолија (АА).

Министерот Коџа, на брифингот, со меѓународната заедница ќе ги сподели неговите искуства за влијанието на Ковид-19 врз здравствените работници, вакцинацијата на здравствените работници во Турција и преземените чекори за заштита на здравствените работници.

Информациите и проценките на СЗО, единствената организација на Обединетите нации (ОН) специјализирана во областа на здравството, добија големо значење за време на кризата предизвикана од Ковид-19.

Одвреме-навреме, на овие брифинзи, генералниот директор на СЗО е придружуван од претставници на меѓународни организации, политичари и глобални здравствени лидери кои играат важни улоги во борбата против Ковид-19.

На неделниот брифинг ќе присуствува министерот Фахретин Коџа, кој беше еден од предводниците на идејата 2021 година да биде прогласена за Меѓународна година на здравствените работници.

- Причина за поканата до Коџа е успешната борба на Турција против Ковид-19

Причина за поканата до турскиот министер за здравство, Фахретин Коџа, е успешната борба на Турција против Ковид-19, нејзината улога на глобален лидер и пристапот кон здравствените работници.

Брифингот привлекува големо внимание од светот, особено вниманието на меѓународните медиуми.

Директниот пренос од брифингот ќе се емитува со користење на техничката инфраструктура на СЗО, ќе биде достапен од веб-страницата на СЗО за Ковид-19 и од нејзините профили на социјалните медиуми.