САД: Од Ковид-19 починаа речиси 98.000 лица

ВАШИНГТОН

Во Соединетите Американски Држави (САД) во последните 24 часа од коронавирусот починаа 1.307 лица, односно од почетокот на пандемијата вкупно 97.696, јавува Агенција Анадолија (АА).

САД и понатаму се земја со највеќе потврдени случаи на заразување и смртни случаи предизвикани од Ковид-19.

Податоците на интернет страницата „Worldometer“, на која се достапни информации за епидемиолошката ситуација во светот, покажуваат дека во САД во последите 24 часа бројот на заразени е зголемен за 24.870 и изнесува 1.647.212.

Во последните 24 часа од заразувањето со Ковид-19 починаа 1.307 лица, со што вкупната бројка на починати од овој вирус се зголеми на 97.696.

САД, според бројот на заразени го следат Русија (335.882), Бразил (334.777) и Шпанија (281.904).

Иако е се помало влијанието на заразувањето, Њујорк и понатаму останува епицентарот на заразувањето во САД.

Во таа сојузна држава досега се потврдени 367.936 случаи на заразување, а од Ковид-19 починаа 29.009 лица.

Следуваат Њу Џерси со повеќе од 154.000 случаи на заразување и Илионис со повеќе од 105.000 случаи.

На присуството на коронавирусот досега се извршени 14 милиони тестирања, а оздравија речиси 404.000 заразени.