САД: Гувернерот на Тексас, кој беше против носење маски, се зарази со Ковид-19

ЊУЈОРК (АА) - Гувернерот на сојузната американска држава Тексас, Грег Абот, кој ја забрани мерката за носење маски во Тексас, е позитивен на новиот тип коронавирус (Ковид-19), пренесува Агенција Анадолија (АА).

Во соопштението од Кабинетот на гувернерот се истакнува дека Абот, кој е вакциниран во 2020 година, е во добра здравствена состојба и не ги чувствува симптомите на болеста.

Исто така се наведува дека гувернерот, кој се заразил со Ковид-19, користел лек со моноклонални антитела на компанијата „Регенерон“.

Абот, кој е против носењето маски, во Тексас им забрани на локалните власти и на училиштата да бараат маски и донесе одлука за парични казни за административците кои побараа маските да бидат задолжителни.

Тексас соопшти дека просечниот дневен број на случаи на Ковид-19 минатата недела изнесувал 15.000.

Откако 45 проценти од креветите на одделите за интензивна нега во државата се наполнија, гувернерот Абот минатата недела повика 2.500 здравствени работници од другите американски држави, а од болниците побара да ги откажат сите интервенции што не се итни за да се направи простор за пациентите со Ковид-19.