Грција: Шумските пожари, што траат веќе 2 дена, пеплосаа површина од 9.000 хектари во близина на Атина

КОМОТИНИ (АА) - Површина од 8.000 до 9.000 хектари е пеплосана, а оштетени се голем број куќи во шумските пожари што веќе 2 дена се активни во регионот Атика, во кој се наоѓа и Атина, главниот град на Грција, јавува Агенција Анадолија (АА).

Официјалните претставници на Министерството за цивилна одбрана на Грција соопштија дека од копно и воздух се интервенира врз пожарот што го зафати подрачјето на Вилија, северозападно од Атина, а манастирите, домовите за стари лица и голем број населби загрозени од пламенот во регионот се евакуирани како мерка на претпазливост. Некои куќи се оштетени од пожарот, а автопатот Елефсина - Тива е затворен за сообраќај.

Се соопштува дека во гаснењето на пожарот со кој координираше генерал-полковникот Стефанос Колокурис, претседателот на противпожарните единици, учество зеле и армиските пешадиски единици, полициските сили, локалната администрација, како и тимовите на Европскиот механизам за цивилна заштита.

Од друга страна, објавени се информации дека е ставен под контрола пожарот во шумската област во регионот Лавреотики во областа Кератеа, јужно од Атина, а во пожарот во пепел се претворени најмалку 600 хектари шумска површина, а се оштетени и некои куќи.

Објавен е податокот дека пожарникарите и доброволците интервенирале во пожарите што избувнале во пределите со грмушки и шумските предели во различни делови на земјата и дека нивните екипи се во состојба на готовност поради можноста за повторно пламнување на пожарите што се под контрола.