Ali Cura
21 Септември 2020•Ажурирај: 22 Септември 2020
МОСКВА
Во Русија во изминатите 24 часа се регистрирани 6.196 нови случаи на вирусот Ковид-19, со што вкупниот број на заразени достигна 1.109.595, јавува Агенција Анадолија (АА).
Рускиот центар за контрола и превенција на Ковид-19 соопшти дека во изминатите 24 часа борбата со Ковид-19 ја изгубиле 71 лице и дека вкупниот број на починати е зголемен на 19.489.
Во соопштението се наведува дека во текот на изминатото деноноќие од Ковид-19 се излекувани 2.616 лица, со што вкупниот број на излекувани се зголеми на 911.973.
Се истакнува дека стапката на раст на бројот на заразени и понатаму изнесува 0,6 проценти, додека кај четвртина новозаразени станува збор за асимптоматски пациенти.
Руската служба за јавно здравје и заштита на потрошувачите сооошти дека од почетокот на пандемијата на присуство на Ковид-19 се тестирани повеќе од 43.100.000 примероци.
Во Русија првиот случај на заразување е потврден на 31 јануари, а првиот смртен случај на 19 март.
