Руанда во борбата против Ковид-19 ќе користи роботи

ИСТАНБУЛ (АА) - Руанда почнува со употреба на роботи за следење и пружање терапија на заразените со коронавирусот Ковид-19, пренесува Агенција Анадолија (AA).

Министерството за здравство на Руанда соопшти дека оваа седмица ќе започне со реализација на проектот, а роботите ќе помогнат во одржувањето на физичката дистанца меѓу пациентите и лекарите.

„CRUZR роботи“ ќе можат да го следат нивото на телесната температура, кислородот и слично, и ќе овозможат комуникација помеѓу лекарот и пациентот преку видеолинк.

Не е познато колку ќе чинат роботите, а планирано е во првата фаза во болниците да бидат распоредени четири роботи. Руанда претходно соопшти дека започнува домашно производство на респиратори.

Во Руанда не се регистрирани смртни случаи предизвикани од Ковид-19. Досега се потврдени 286 случаи на заразени, а од вирусот се опоравија 153 лица.