Од Ковид-19 во Иран во последните 24 часа починаа 124 лица, вкупно 3.160 смртни случаи досега

ИСТАНБУЛ

Во Иран починаа 3.160 лица заразени со новиот тип коронавирус, јавува Агенција Анадолија (АА).

Портпаролот на Министерството за здравство на Иран, Кијануш Џиханпур, соопшти дека во последните 24 часа починале 124 лица, со што бројот на починатите е зголемен на 3.160.

Воедно, потврдени се 2.875 нови случаи на заразување, вкупно 50.468.

Џиханпур изјави дека состојбата на 3.956 заразени лица е тешка. Воедно од вирусот се излекувале 16.711 лица.

Новиот тип коронавирус во Иран се појави на 19 февруари, во градот Ком, а брзо се прошири и на останатите делови на земјата.