АНКАРА (АА) - Шефот на Одделот за комуникации при турското Претседателство, Фахретин Алтун, соопшти дека на барање на турскиот претседател Реџеп Таип Ердоган ќе бидат доделени маски за турските граѓани од 20 до 65 годишна возраст, пренесува Агенција Анадолија (АА).

Алтун оваа информација ја потврди преку соопштение објавено на социјалните мрежи.

Тој нагласи дека во координација со Министерството за здравство и Министерството за транспорт и инфраструктура на Турција, секој граѓанин од 20 до 65 годишна возраст кој ќе го пополни формуларот на интернет страницата „https://maske.epttavm.com“ ќе добие по 5 маски неделно, кои ќе бидат доставени до нивниот дом.

Се вели дека маските до граѓаните ќе бидат доставени бесплатно од страна на турската пошта ПТТ со карго.

Граѓаните кои ќе сакаат да обезбедат маски за членовите на семејството, преку овој формулар ќе ги поплнат потребните информации.

Обезбедувањето на бесплатни маски не ги опфаќа граѓаните кои се постари од 65 години или помлади од 20 години.