Германија го повтори апелот за дијалог на Источниот Медитеран

БЕРЛИН

Германската канцеларка Ангела Меркел во врска со случувањата на Источниот Медитеран истакна дека имаат обврска да ги сметаат за сериозни правата на Грција и тоа што таа го кажува, и да ја поддржуваат оваа земја кога е во право, јавува Агенција Анадолија (АА).

„Сите ние како земји членки на ЕУ имаме обврска да ги сметаме за сериозни правата на нашите грчки пријатели и тоа што го кажуваат тие. Но, јас вложив напор за тензијата да не се зголемува. Понекогаш тоа е можно само преку преговарање на двете страни повторно и повторно“, нагласи Меркел на прес-конференцијата која традиционално ја одржува за време на летниот период.

Таа рече дека со францускиот претседател Емануел Макрон интензивно разговараат за односите со Турција.

„Овие односи се мултидимензионални. Турција е сојузник на НАТО. Спорот е меѓу две земји членки на НАТО. Тоа не може да нѐ остави индиферентни. Затоа, треба да ги разјасните овие прашања во Алијансата“, додаде таа.

На прашањето дали е можен разговор со турскиот претседател Реџеп Таип Ердоган, Меркел одговори дека денес не е предвидено да реализираат разговор, при што рече: „Но со него често разговараме. Како што се случува секогаш, кога ќе има разговор, ќе ве информираме навремено.“