Во рамките на имунизацијата против коронавирусот во светот дадени 4,48 милијарди дози вакцини

АНКАРА

Во светот досега се дадени повеќе од 4,48 милијарди дози од вакцините против коронавирусот, јавува Агенција Анадолија (АА).

Порталот „Ourworldindata.org“ објавува ажурирани податоци во врска со глобалниот процес на имунизација против коронавирусот.

Во имунизацијата во предност е Кина во која се дадени 1,78 милијарди дози од вакцините против коронавирусот, а следуваат Индија со 508,66 милиони и САД со 351,93 милиони дози.

На листата земји со најмногу аплицирани дози од вакцините против коронавирусот следуваат Бразил (152,99 милиони), Јапонија (102,9 милиони), Германија (95,33 милиони), Велика Британија (86,61 милион), Турција (78,552 милиони), Франција (77,63 милиони), Индонезија (75,66 милиони) и Мексико (72,49 милиони).

Според податоците на порталот „Worldometers“, од почетокот на пандемијата на Ковид-19, повеќе од 204,28 милиони луѓе се заразени со коронавирусот во светот, а нешто повеќе од 4,33 милиони луѓе починале како резултат на заразување со вирусот.