Бројот на откриени случаи на Ковид-19 во светот надмина 65 милиони

АНКАРА (АА) - Бројот на откриени случаи на новиот вид коронавирус (Ковид-19) во светот надмина 65 милиони, пренесува Агенција Анадолија (АА).

Според интернет страницата „Worldometer“, во светот со Ковид-19 се заразени 65.012.013 лица.

Најмногу случаи се откриени во Соединетите Американски Држави (САД), каде што со вирусот се заразени 14.314.265 лица.

По САД следуваат Индија (9.538.757), Бразил (6.436.650), Русија (2.375.546), Франција (2.244.635), Шпанија (1.682.533), Велика Британија (1.659.256), Италија (1.641.610), Аргентина (1.440.103), Колумбија (1.334.089) и Мексико (1.133.613).

Во светот од Ковид-19 починаа 1.502.610, додека 45.098.162 лица оздравеа од овој вирус.