АНКАРА

Здравствениот регулатор на Бразил, „Анвиса“, го одби барањето од неколку држави погодени од пандемијата за увоз на руската вакцина против коронавирусот „Спутник ве“, јавува

„Анвиса“ не го одобрува увозот на вакцината поради „недостаток на податоци за контрола на квалитетот, безбедноста и ефикасноста на производот“, се вели во соопштението на Агенцијата.

„Проценката на достапните податоци до денес укажува на недостатоци во развојот и производството на имунизаторот“, се додава во него.

Барањето за увоз на руската вакцина е од 14 држави.

Регулативата за клиничко истражување за Бразил, ГГМЕД (GGMED) која е под „Анвиса“, рече дека „недостатоците во развојот на производот биле идентификувани во сите фази на клиничките студии“.

ГГМЕД (GGMED) соопшти дека „загрижувачките“ проблеми во процесот на развој на вакцината „можат да доведат до инфекции кај луѓето и може да предизвикаат оштетувања и смрт, особено кај лица со низок имунитет и респираторни проблеми, меѓу другите здравствени проблеми“.

Исто така, го потврди отсуството на тестови за токсичност врз репродуктивноста, што овозможуваат да се провери дали производот може да биде штетен за репродуктивните клетки.

„Искрено изразувам овде дека правиме сè што можеме за да се осигуриме дека вакцините против Ковид-19 ќе стигнат до луѓето на оваа нација и дека ги исполнуваат стандардите за квалитет, безбедност и ефикасност“, изјави Меируз Фреитас, директор за лекови во „Анвиса“.

„Секогаш кога Бразилец прима доза на вакцина, тие треба да имаат доверба во работата на јавните службеници на Анвиса“, изјави Фреитас.

Во Бразил се регистрирани повеќе од 14,3 милиони случаи на заразување со Ковид-19 и над 391.000 смртни случаи како последица на вирусот, според податоците објавени од американскиот Универзитет „Џон Хопкинс“.