Холандија: Една од најголемите градини на лалиња во светот „Кукенхоф“ ги отвори вратите за своите посетители

КУКЕНХОФ (AA) - Една од најголемите градини на лалиња во светот, „Кукенхоф“, која се наоѓа во Холандија, по 74. пат ги отвори вратите за своите посетители, јавува Анадолу.

Градината „Кукенхоф“, која се наоѓа во градот Лисе, поседува скоро секаков вид лале, додека годишно угостува над еден милион посетители.

Оваа градина е отворена само во период од 23 март до 14 мај, поради краткиот животен век на лалето, кое во средината на април го добива својот најубав лик.

Кукенхоф е позната како најголемата и најубава градина на лалиња во светот, што има површина од околу 32 хектари.

Оваа година 40 градинари засадија 7 милиони цвеќиња од над 1.600 видови, кои претежно се лалиња.

Во градината се наоѓа и патека за пешачење долга 15 километри.

Во рамки на градината се одржуваат разни настани и изложби.

Според податоците на Кукенхоф, 80 отсто од посетителите ги сочинуваат странски туристи.

По Холанѓаните, градината најмногу ја посетуваат Германците, Британците, Кинезите и Американците.

До средината на мај, градината се очекува да биде посетена од еден милион посетители од различни земји.

Кукенхоф е основана во 1950 година, додека идејата за нејзино отворање се појави во 1949 година од страна на група одгледувачи на лалиња кои имале цел да отворат заедничка изложба.

Оваа градина првата година од отворањето била посетена од 236.000 посетители.